حیدرآباد۔10؍فروری(اعتماد نیوز) آندھراپردیش ہائی کورٹ نے کل ہند مجلس اتحاد المسلمین پر امتناع اور اس کی مسلمہ حیثیت ختم کرنے الیکشن کمیشن کو ہدایت دینے کی استدعا کرتے ہوئے داخل کردہ مفاد عامہ کی ایک درخواست پر غور سے انکار کردیا ۔ چیف جسٹس کلیان جیوتی سین گپتا اور جسٹس پی وی سنجے
کمار پر مشتمل ڈیویژن بنچ نے شہر سے تعلق رکھنے والے ڈاکٹر اے ایس راؤ کی درخواست کی سماعت کی جنہوں نے مجلس پرامتناع عائد کرنے یا اسے غیر مسلمہ کرنے الیکشن کمیشن کو ہدایت دینے کی عدالت سے درخواست کی تھی ۔ انہوں نے الزام عائد کیا تھا کہمجلس‘ ریاست میں فرقہ وارایت کے نظریات کو فروغ دے رہی ہے ۔